İsveçrənin mənzil bazarında qıtlıq daha da dərinləşir

 

İsveçrə yaşayış əmlakı bazarında böhran dərinləşir: Boş qalan mənzillərin payı rekord həddə — 0,93%-ə düşüb

 
"Global Property Invest" analitik bürosu xarici aktivlərin investisiya cəlbediciliyinin monitorinqi çərçivəsində İsveçrənin yaşayış əmlakı bazarındakı cari konyukturu təhlil edib. İsveçrə Federal Statistika İdarəsinin (BFS) rəsmi dövlət reyestr məlumatlarına əsasən, ölkədə fundamental institusional disbalans və kəskin təklif qıtlığı müşahidə olunur.

Statistik təhlil göstərir ki, 2026-cı il iyunun 1-nə olan məlumata görə, ölkə üzrə ümumi yaşayış fondunda boş qalan mənzillərin payı tarixdə ilk dəfə olaraq 1% həddindən aşağı düşərək 0,93% təşkil edib. Ölkə üzrə cəmi 45 493 boş mənzil qeydə alınıb ki, bu da ötən illə müqayisədə 6,1% (2 962 vahid) azalma deməkdir. Qiymətlərin və tələbin artması tendensiyası ardıcıl olaraq altıncı ildir ki, davam edir.

Regional konyukturun təhlili göstərir ki, mənzil qıtlığı İsveçrənin yeddi əsas iqtisadi regionundan altısını əhatə edib. Ən kritik göstərici Şərqi və Şimal-Qərbi İsveçrədə qeydə alınıb. Tsuk kantonu isə 0,20%-lik boş mənzil payı ilə investorlar üçün ən yüksək rəqabətli və qapalı bazar statusunu qoruyur. Yeganə istisnalıq Sürix regionudur ki, burada yeni tikilən layihələr hesabına boş mənzillərin payı azaraq 0,52%-ə yüksəlib.

"Global Property Invest" ekspertləri mülkiyyət strukturunda baş verən ciddi transformasiyanı xüsusi vurğulayırlar: 2000-ci ildən bəri bazarda pensiya fondları, sığorta şirkətləri və irihəcmli investisiya korporasiyalarının payı 31%-dən 44%-ə yüksəlib. İonstitusional investorlar xüsusi mülkiyyətçiləri sıxışdıraraq uzunmüddətli icarə seqmentini inhisara alırlar.

İsveçrə İcarəçilər Assosiasiyasının analitik hesabatlarına istinadən qeyd edirik ki, tikinti bumu demək olar ki, yalnız yüksək premium və bahalı qiymət seqmentində aparılır, büdcəli (əlçatan) mənzillər isə bazardan tamamilə yox olur. Cari konyuktur makroiqtisadi baxımdan kapitalın qorunması üçün yüksək təhlükəsizlik və sabit icarə gəlirliliyi vəd etsə də, xarici investorlar üçün bazara giriş baryerini və kütləvi əmlakın maya dəyərini əhəmiyyətli dərəcədə artırır.